同志好！同志辛苦啦！

六十周年國慶閱兵聽到「同志好！同志辛苦啦！」這句話重覆了很多次，頓時有點毛管棟。

可能講這句說話的領導聽到我咁講，會有點失望。老實講，難度你會期望我聽完你這句咁言不由衷，像錄音機重覆的口號會為之心動？毛管棟就有！或者你會怪我有點負面，怪我你點知講這句說話時不是出於真心呢？

係職場上，有時候趕完project，老細會對我講：「辛苦曬啦！」我好多時聽到這句話之後都會呆左，唔識點反應。遇到個好老細，聽起來的感覺都好些。遇到個衰老細，當佢假情假意的咁對你講，真係唔知點反應。唔通你會期望我同D兄弟做到天昏地暗以後，會識笑住口面同番你講「係啊老細！這是應該的，OT勞動趕工係應該」的。老細，真係唔係呀！或者我就係咁唔識做這些門面功夫，所以升職升極有個譜。老細，你早知要趕功，就預定多D人趕工啦！老實講，係依個時勢，有時D兄弟都唔係太介意要OT，只怕分配得唔公道，次次都係得個幾個要OT。早些知道有可能要加班，就分配得好些，等各個兄弟都可以安排一下自己工作及作休時間。

對於D客由衷的同我咁講，就完全唔同喇！雖然都係唔識點反應，但感覺好好多！